මේ මගේ රට මගේ ජාතිය ආගමයි කියලා
ඡන්දෙ ගන්නට ආයෙමත් එනවද උඹලා
වඳපෙතිද වඳ කරපු අම්මලත් හොයලා
වඳ කළේ රුපියලද අම්මලද උඹලා
හිතට නැති ගතට වෙති ඒ සිවුර ඔතලා
කලින් කල ඇවිල්ලා අඩි පොළෙවෙ ගහලා
සිංහලයො සිංහයෝ එක රටක් කියලා
කෝ කොහෙද සිංහයෝ හැංගිලද උඹලා
රාවණා නැඟිටින්න දැන් ළඟයි කියලා
අපිට නැති දරුවන්ට රටක් ගැන හිතලා
කතිරයක් ගහන්නට යනවනම් ඔහෙලා
අත අරන් යන්නෙපා හිස ගෙදර තියලා
-මලිඳු කාවින්ද කුමාරසිංහ
No comments:
Post a Comment